HUMBJA E PESHËS NË MËNYRË AFATGJATE

Gjithmonë kur është fjala për humbjen e peshës , njerzit kërkojnë të gjejnë rrugë sa më të shpejta për të arritur peshën e dëshiruar.Kjo është arsyeja që i shtyn shumë njerez të marrin masa drastike , sikur dieta jo të shëndetshme dhe ngarkimin me ushtrime fizike dhe kjo shkakton pasoja të mëdha për organizmin.
Keto dieta dhe ushtrime të tepërta gjithmonë dështojnë,sepse njerzit zakonisht do lodhen shpejt dhe kthehet përsëri në zakonet e mëparshme.
Program i suksesshëm për kontrollin e peshës duhet të jetë afatgjatë dhe në harmoni me funksionimin e organizmit.
Organismi i njeriut ka prirje për homeostazë, kjo d.m.th ruajtjen e harmonisë dhe ekuilibrit.Qdo ndryshim i shpejtë në organizëm shkakton pasoja.
"Teoria e vetive strukturore" thotë se nëse merrni më shumë kalori sesa keni nevojë për peshë tuaj , për ta kundërshtuar ndryshimin(rritjen) në peshë , organizmi do ta rrisë shkallë e metabolizmit në trup.Ju do ndieni shtim të energjisë dhe do jeni të stimuluar për të hargjuar sa më shumë energji për të ruajtur peshë aktuale të trupit.E njëjta ndodh kur merrni pak kalori sesa duhen për të mbajtur peshën tuaj.
Organizmi e ul shkallën e metabolizmit dhe ju ndiheni më të lodhur dhe jo të motivuar për aktivitet.
Për këtë arsye ndryshimi gjithmonë duhet të bëhet në mënyrë graduale dhe afatgjate.

Disa këshilla për të kontrolluar peshën në mënyrë të shëndetshme dhe afatgjatë:

• Bëni ushtrime fizike disa herë në javë rreth 20-30 minuta.Ushtrimet fizike me ngarkesë mesatare janë efektiv për rritjen e metabolizmit të organizmit.Edhe pse gjatë këtyre seancave nuk harxhohen më shumë se 300-400 kalori, ushtrimet rrisin shkallën e metabolizmit edhe në gjendje qetësie. Kjo do të thotë që ju do të harxhoni më shumë kalori se më parë edhe kur jeni në gjendje qetësie. Tashmë, organizmi funksionon më mirë, shkëmbimi i lëndëve kryhet lehtësisht, trupi largohet nga toksinat dhe sistemi imunitar forcohet më shumë.

• Ekuilibroni dietën. Është i nevojshëm një pakësim i kalorive të marra. Eleminoni marrjen e yndyrave (sidomos yndyrat e ngopura) dhe sheqernat. Përveçse shtojnë kaloritë e marra, sheqernat nxisin prodhimin dhe hedhjen e insulinës në organizëm. Nivelet e larta të yndyrave dhe insulinës në organizëm stimulojnë urinë.

• Shmangni ngacmuesit e jashtëm që iu nxisin drejt konsumit të ushqimeve të padëshirueshme. Thjesht, shikimi i ushqimeve të tilla, aroma e përgatitjes së tyre apo bërja e pazarit ndërkohë kur jeni i uritur, shtojnë prodhimin e insulinës në organizëm, duke nxitur në këtë mënyrë urinë. Mënyra më e mirë është të mos ekspozoheni ndaj ngacmuesve të tillë që për ju përbëjnë realisht një sprovë.

• Nëse filloi të bini në peshë, përqëndrohuni më tepër në ruajtjen e peshës egzistuese sesa në rënien e mëtejshme të saj. Pasi të qetësoheni dhe të krijoni një gjendje të qëndrueshme të peshës tuaj, atëherë filloni të merrni masa për rënien përsëri nga pesha. Është e këshillueshme se çdo rënie të jetë në një interval prej 2-3 muaj dhe rënia të jetë 0,5 deri 1 kg. Në këtë mënyrë keni siguruar një rënie të shëndetshme dhe jo të mundimshme nga pesha.